"الناحية الغلط" شعر صالح الغازي

Short stories, poetry, esssays

Moderators: nihadsirees, Jihan, sahartawfiq, weamnamou

"الناحية الغلط" شعر صالح الغازي

Postby Saleh Elghazy » Thu Mar 14, 2013 11:59 pm

أخدت من السكوت الرزانة



وأخدت ودانى من الميكروفون شكلُه



تستقبل الكلام ولا تفوتش



اشتغلت أعصابى للكلام وزَّانه



أنا كنت متدهور



ولحقت نفسى قبل ما اتهور



عينيا مفنجله



مش ملاحقة الصور!



دى دهورة من نوع جديد والّا رجوع لورا ...؟



قادر أركز فى العينين



أقرا اللمعان والمطفى



يظهرلى منها المخفى



لكن عنيا ما تخبيش



زى شباك مفتوح الشيش



ويا دوب الإزاز مقفول



عشان يمنع الهوا الساقع



قادر والّا مش قادر



ياعم يا شاعر



يا بو الكلام واعر



والفعل قليل!!



الزمن مش خليل



ده الزمن نِدّى



ساند كعابه على زندى



سايل لعابه على خَدى



طب أعمل إيه؟



غير الكلام ده



والسكوت ده



كل ما القى شىء عدل



يصبح تانى يوم معووج



عقلى خدل من كتر ما بافكر



باين عليا بادَوَّر فى الناحية الغلط



أنا وانتى يا دنيتى



زي الندى ع الزلط



لو تعرفى نيتى ...؟


قصيدة الناحية الغلط

شعر صالح الغازي.

من ديوان الروح الطيبة

ونشرت في صحيفة فيتو

الإثنين 25/فبراير/2013

http://www.vetogate.com/122913#.USwzV_Xpe00


وفي نوت الفيس بوك
http://www.facebook.com/notes/%D8%B5%D8 ... 8779251361
Saleh Elghazy
 
Posts: 22
Joined: Wed Mar 09, 2011 7:25 pm
Location: egypt


Return to Literature / ركن الأدب

Who is online

Users browsing this forum: No registered users and 1 guest

cron